యదార్థం ఏమిటంటే ఈ భూమి, ఆకాశం, సూర్యుడు, చంద్రుడు, నక్షత్రాలు, పర్వతాలు, సముద్రాలు, రాత్రిపగులు మొదలగు అండ పిండ బ్రహ్మాండాల్ని చూస్తే వాటిని సృష్టించిన ఒక కర్త ఉన్నా డనీ, ఆయనే సర్వశక్తిమంతుడనీ, ఆయనకే సర్వాధికారాలు ఉన్నాయని మనం నమ్మక తప్పదు.
షేక్ హబీబుర్రహ్మన్ జామయీ
దైవం గురించి సాధారణంగా రకరకాల నమ్మకాలు ప్రజల్లో ఉన్నట్లు మనం గమనిస్తాం. కొందరు దేవుడు ఉన్నాడనీ, కొందరు లేడని అంటారు. దేవుడు ఉన్నాడనీ నమ్మేవారిలో కూడా కొందరు దేవుడు మానవరూపంలో అవతరిస్తాడని, మరికొందరు దేవునికి సంతానం ఉందనీ ఆయనకు సహాయపడేవారు ఉన్నారని తలుస్తున్నారు. దేవుడు లేడని వాదించే నాస్తికులు ఈ సృష్టి వెనుక ఏ శక్తి ప్రమేయమూ లేదనీ, ప్రతీదీ దానంతటగా అదే జరిగిపోతూందని భావిస్తున్నారు.
యదార్థం ఏమిటంటే ఈ భూమి, ఆకాశం, సూర్యుడు, చంద్రుడు, నక్షత్రాలు, పర్వతాలు, సముద్రాలు, రాత్రిపగులు మొదలగు అండ పిండ బ్రహ్మాండాల్ని చూస్తే వాటిని సృష్టించిన ఒక కర్త ఉన్నా డనీ, ఆయనే సర్వశక్తిమంతుడనీ, ఆయనకే సర్వాధికారాలు ఉన్నాయని మనం నమ్మక తప్పదు.
తల్లి గర్భంలో కటిక చీకట్లో అండాన్ని పిండంగా మార్చిందెవరు? జానెడు గర్భాన్ని జగమంతా చేసిందెవరు? అతల, వితల, సుతల, రసాతల, తలాతల,పాతాల లోకా లను, సకల చరాచర సృష్టిని సృష్టించిం దెవరు?ఇవన్నీ వాటంతట అవే అయిపో యాయా?
ఖలీఫ హారూన్‌ రషీద్‌ దేవుడున్నాడనీ ఆధారమేమిటని ఇమామ్‌ మాలిక్‌(ర)తో ప్రశ్నించగా ఆయన ”వేర్వేరు భాషలు, స్వరాలు, రకరకాలైన శబ్దాలు ఇవన్నీ అల్లాహ్‌ అస్తిత్వాన్ని నిరూపించటం లేదా? అని సమాధానమిచ్చారు.
ఇమామ్‌ షాఫయి (ర) గారు ఇలా అన్నారు: మల్బరి ఆకుని చూడండి! ఆకు రుచి రంగు మాత్రం ఒక్కటే. దాన్ని పట్టు పురుగు తింటే పట్టు వస్తుంది. తేనెటిగ తింటే తేనె తయారవుతుంది. మేక తింటే పాలు వస్తుంది. అదే ఆకుని జింక తింటే ముష్క్‌ (కస్తూరి) తయారవుతుంది. ఒకే ఆకులో ఇన్ని రకాల నైపుణ్యం ఎవరిది?.
ఇమామ్‌ అహ్మద్‌ బిన్‌ హంబల్‌(ర) ఇలా అన్నారు: ”ఒక బలమైన కోట ఉంది. దానికి వాకిలి, రంధ్రం ఏమీ లేదు, బయట నుంచి బంగారంలా మెరుస్తన్నది. లోపల్నుంచి వెండి పూత పూయబడి ఉంది. గాలి వచ్చీపోయే అవకాశమూ లేదు. అకస్మాత్తుగా గోడ పగులుతుంది, అందులో నుంచి ఈ బుల్లి ప్రాణి బయటికి వస్తుంది. దానికి కళ్ళు, ముక్కు, చెవులు, నోరు, కడుపు, వీపు, రెక్కలు మరియు కాళ్ళు కూడా ఉంటాయి. అదే కోడి పిల్ల. ఇదంతా ఎలా జరిగింది? దీని వెనుక ఉన్న మహత్తరమైన శక్తి ఏమిటి?
ఖుర్‌ఆన్‌లో ఇలా ఉంది: ”(ఓ అసర్వలోక పరిపాలకా!) నువ్వే రాత్రిని పగటిలోనికి ప్రవేశింప జేస్తావు, పగటిని రాత్రిలోనికి తీసుకెళతావు, నువ్వే నిర్జీవమైన వాటి నుంచి జీవమున్న వాటిని తీస్తున్నావు, మరి నువ్వే జీవమున్నవాటి నుంచి నిర్జీవమైన వాటిని వెలికితీస్తున్నావు. ఇంకా నీవు కోరిన వారికి లెక్కలేనంత ఉపాధిని ఇస్తావు.(ఆలి ఇమ్రాన్‌:27)
”త్వరలోనే మేము వారికి మా సూచనల ను జగతిలోనూ చూపిస్తాము, స్వయంగా వారి (ఉనికి)లోనూ చూపిస్తాము, తుదకు సత్యమిదే అనే విషయం వారికి తేటతెల్ల మవుతుంది. ఏమిటి నీ ప్రభువు ప్రతిదానికీ సాక్షిగా ఉన్నాడనీ విషయం చాలదా? (హామీమ్‌ సజ్దా:53)
ఉప్పు చేదు గల సముద్రం లో మధురమైన నీళ్ళు
సముద్రాలను పరిశీలిస్తే ఎన్నో నదులు, కాలువలు ప్రవహించి సముద్రంలో కలు స్తాయి, ఈ ప్రపంచంలో కొన్ని చోట్ల రెండు సముద్రాలు కలగలసి ఉన్నప్పటికీ ఒక సముద్రంలో నీరు తియ్యగా ఉంటే మరో సముద్రంలోని నీరు ఉప్పుగా ఉంటాయి. ఒక పళ్ళెంలో ఉప్పుగా ఉన్న నీటిని, తియ్యగా ఉన్న నీటిని వేసి కలిపి నట్లయితే ఉప్పుగా ఉన్న నీరు మరియు తియ్యగా ఉన్న నీరు విడిగా ఉండజాలవు. కానీ తియ్యని సముద్రం యొక్క తియ్య దనపు ప్రభావం ఏమాత్రం ఉప్పుగా ఉన్న సముద్రంపై పడకపోవడం దేన్ని సూచిస్తు న్నది? ఈ అద్భుత వ్యవస్థ సంస్థాపకుడు ఎవరు?
ఖుర్‌ఆన్‌ యొక్క ఈ వాక్యాన్ని పరిశీలిం చండి: ”రెండు సముద్రాలను – పరస్పరం కలిపి ఉంచినవాడు ఆయనే (అల్లాహ్‌యే). వాటిలో ఒకటి తియ్యనిది, రుచికరమైనది. మరొకటి ఉప్పుగా చేదుగా ఉంది. ఆ రెండింటి మధ్య ఒక తెర (అడ్డుగోడగా) ఉంది. అది వాటిని వేరుగా ఉంచుతుంది. (అల్‌ ఫుర్ఖాన్‌:53)
వర్షపు నీళ్ళు
మనం త్రాగే నీళ్ల గురించి ఎప్పుడైనా ఆలోచించామా? మేఘాలు ఎలా తయా రవుతాయి? అల్లాహ్‌ా ఇలా సెలవిస్తున్నాడు
”పోనీ మీరు త్రాగే మంచి నీరు గురించి ఎన్నడయినా ఆలోచిమచారా? దాన్ని మేఘాల నుంచి మీరు కురిపిస్తున్నారా? లేక దానిని కురిపించేది మేమా? మేమే గనక తలచుకుంటే దానిని చేదు నీరుగా మార్చేయగలం. మరలాంటప్పుడు మీరు కృతజ్ఞులుగా ఎందుకు మసలుకోరు?
(అల్‌వాఖియహ్‌:68-70)
సూర్యచంద్రులు
ముహమ్మద్‌ ఇస్‌హాఖ్‌ సిద్దీఖీ తన పుస్తకం ‘ఖుద్రత్‌ కె భేద్‌”లో ఇలా వివరించారు: ”చంద్రుడు భూమికి అతి సమీపములో ఉన్న గ్రహము. అది భూమి నుంచి రెండు లక్షల నలభై వేల మైళ్ళ దూరంలో ఉంది. మరియు సూర్యుడు భూమి నుంచి తొమ్మిది కోట్ల ముఫ్పై లక్షల మైళ్ళ ఎత్తులో ఉన్నాడు. అక్కడి వరకు రాకెట్‌లో ప్రయా ణిస్తే ఏడు సంవత్సరాలు పడు తుంది. దాని వైశాల్యం 13 లక్షల భూములకు సమానం”. అలాంటి సూర్యచంద్రుల్ని నియంత్రణలో పెట్టింది ఎవరు? ఖుర్‌ఆన్‌ లో ఇలా ఉంది: ”సూర్య చంద్రులను నియంత్రణలో ఉంచినది అల్లాహ్‌ాయే, ప్రతి ఒక్కటీ నిర్ధారిత సమయంలో తిరుగుతోంది. (అర్రాద్‌:2) ఇంకా ఇలా సెలవిచ్చాడు: ”ఏమిటీ, అల్లాహ్‌ భూమండలంలో ఉన్న సమస్తాన్నీ ఆయన ఆదేశానుసారమే సముద్రంలో నడిచే ఒడలను మీకు వశపరచటాన్ని మీరు చూడటం లేదా? తన అనుజ్ఞ కానంత వరకూ భూమిపై విరుచుకుపడ కుండా ఉండేలా ఆయనే ఆకాశాన్ని నిలిపి ఉంచాడు. నిశ్చయంగా అల్లాహ్‌ మనుషుల పై దయార్థ్రత కలవాడు. జాలి చూపే వాడు. (అల్‌ అహ్‌జాబ్‌:65)
విత్తనం
నేలలో విత్తనం నాటినప్పుడు అందులో ఏమీ లేదు. కొన్ని రోజుల తరువాత మొక్కగా రూపొందుతుంది. ఆ తరువాత ఆకులుగల పెద్ద వృక్షంగా రూపొందు తుంది. దానికి తియ్యనిపండ్లు కాస్తాయి. అయితే ఆ తియ్యదనం నేలలోనూ లేదు, నాటబడిన విత్తనంలోనూ లేదు. మరి ఆ తియ్యదనం ఎక్కడ నుంచి వచ్చింది? అల్లాహ్‌ా ఇలా సెలవిచ్చాడు : ”సరే! మీరు నాటే వస్తువును (విత్తనాన్ని) గురించి ఎప్పుడైనా ఆలోచించారా?
ఏమిటి, దాన్ని మీరు పండిస్తున్నారా? లేక దానిని పండించేది మేమా? మేమే గనక తలచుకుంటే దానిని పొట్టుపొట్టుగా చేసేయగలము, మరి మీరు ఆశ్చర్యంతో లబో దిబో మంటూ అసలుకే నష్టపో యామే! అంతేకాదు మేము దీనికీ నోచు కోకుండా పోయాము అని వాపోతారు. (అల్‌వాఖియహ్‌:63-67)
యదార్థం ఏమిటంటే మనిషి పొలం దున్నగలడు. విత్తనం నాటగలడు, ఎరువు వేసి నీరు సరఫరా చేయగలడు, కాని పంట పండించే శక్తి అల్లాహ్‌ాకు మాత్రమే ఉంది. మనిషి ఎంత గొప్పవాడైనా ఎంత శక్తివంతుడైనా, ఎంత ప్రతిభావంతుడైనా ఒకే ఒక ఈగను సయితం సృష్టించలేడు సృష్టించడం ఏమిటి, ఈగ అతన్నుంచి ఏదైనా వస్తువును ఎగరేసుకుపోతే అతను దాన్నుండి ఆ వస్తువును విడిపించుకో లేడు కూడా. అల్లాహ్‌ ఇలా సెలవిచ్చాడు:
”ఓ ప్రజలారా! ఒక ఉపమానం చెప్ప బడుతోంది; శ్రద్ధగా వినండి. అల్లాహ్‌ను వదలి మీరు ఎవరెవరినయితే మొరపెట్టు కుంటున్నారో వారంతా ఏకమైనా-ఒక్క ఈగను కూడా సృష్టించలేరు. పైగా ఈగ వారి నుంచి ఏదైనా వస్తువును ఎగరేసుకు పోతే వారు దాన్ని కూడా దాని నుంచి విడిపించుకోలేరు.అర్థించేవాడూ, అర్థించ బడేవాడూ – ఇరువురూ బలహీనులే. (అల్‌హజ్‌;73)